Welcome to School of Quran website
ഖുർആൻ പഠനത്തോടൊപ്പം പുതുതലമുറയുടെ ധാർമിക സംസ്കരണം ലക്ഷ്യമിട്ട് കേരളത്തിലെ തെരെഞ്ഞെടുക്കപ്പെട്ട കേന്ദ്രങ്ങളിൽ ആരംഭിച്ച മതപഠന സംരംഭമാണ് സ്കൂൾ ഓഫ് ഖുർആൻ. പ്രീ സ്കൂൾ മുതൽ ഏഴാം തരം വരെ ജാമിഅ അൽ ഹിന്ദിന്റെ മേൽനോട്ടത്തിൽ പ്രാദേശിക കേന്ദ്രങ്ങൾ വഴിയും, അഞ്ചാം ക്ളാസ്സിന് ശേഷം പ്രവേശന പരീക്ഷയുടെ അടിസ്ഥാനത്തിൽ മെയിൻ ക്യാമ്പസിലുള്ള റസിഡൻഷ്യൽ സ്കൂളിലൂടെയും പൂർത്തീകരിക്കപ്പെടുന്ന ലോംഗ് ടേം കോഴ്സാണിത്. വിശദവിവരങ്ങൾക്ക് ഇവിടെ ക്ളിക്ക് ചെയ്യുക. .
Quran
രക്ഷിതാക്കളുടെ പൂർണ സഹകരണത്തോടെ, പ്രാദേശിക കേന്ദ്രങ്ങൾ വഴി പൂർത്തീകരിക്കുന്ന കോഴ്സിന്റെ ആദ്യ ഘട്ടത്തിൽ ശരാശരി അഞ്ച് ജുസ്അ് ആയിരിക്കും ഒരു വിദ്യാർഥി പൂർത്തിയാക്കുക. ഇതിൽ ആദ്യ രണ്ട് വർഷത്തിൽ തജ്വീദിന്റെ നിയമങ്ങൾക്ക് ഊന്നൽ നൽകിക്കൊണ്ടും തുടർന്ന് മനഃപാഠമാക്കാൻ അവസരമൊരുക്കിക്കൊണ്ടുമായിരിക്കും ഖുർആനിന്റെ പഠനരീതി. ഇക്കാലയളവിൽ പ്രധാനപ്പെട്ട സൂറത്തുകൾ മാത്രമേ അർഥസഹിതം പഠിപ്പിക്കുകയുള്ളൂ. ഗ്രേഡ് ആറിന് ശേഷം ഖുർആനിന്റെ പരിഭാഷക്കും വ്യാഖ്യാനത്തിനുമായിരിക്കും കരിക്കുലത്തിൽ കൂടുതൽ ശ്രദ്ധ നൽകുക.
Arabic
അറബി ഭാഷാ ഉച്ചാരണം എളുപ്പമാക്കുക, മഹ്റജുകളിൽ നിന്ന് ഓരോ ആയത്തും ഉച്ചരിക്കാൻ ശീലിക്കുക, മാതൃഭാഷയിൽ സാമ്യതയില്ലാത്ത അക്ഷരങ്ങൾക്ക് ഊന്നൽ നൽകുക, വർണങ്ങൾ തിരിച്ചറിഞ്ഞ് ഉച്ചരിക്കാൻ കഴിവു നേടുക, സാമ്യതയുള്ള അക്ഷരങ്ങൾ വേർതിരിച്ചു ഗ്രഹിക്കുക, ഒറ്റ അക്ഷരമായും കൂട്ടക്ഷരമായും ലിഖിത രൂപം ഗ്രഹിക്കുക, അറബി ഭാഷാപഠനത്തിൽ താൽപര്യം ജനിപ്പിക്കുക, വിശുദ്ധ ഖുർആൻ പാരായണത്തിന് പഠിതാവിനെ പ്രാപ്തനാക്കുക, കുട്ടിയുടെ നിത്യജീവിതവുമായി ബന്ധപ്പെടുന്ന വസ്തുക്കളുടെ പേരുകൾ ഗ്രഹിക്കുക, ഭാഷാ സംഭാഷണങ്ങൾ കേൾപ്പിച്ചു പരിചയപ്പെടുത്തുക, സംഭാഷണത്തിന് കുട്ടിയെ പ്രാപ്തനാക്കുക... എന്നിവയാണ് അറബി പഠനത്തിലൂടെ സ്കൂൾ ഓഫ് ഖുർആൻ ലക്ഷ്യമിടുന്നത്. ഇത് വ്യത്യസ്ത ഗ്രേഡുകളിൽ വിഭിന്ന തലങ്ങളിലൂടെയായിരിക്കും കടന്നുപോകുക.
Islamic Studies
ഇസ്ലാമിക വിശ്വാസം, കർമശാസ്ത്രം, ചരിത്രം, സ്വഭാവം എന്നിവ ഉൾക്കൊള്ളിച്ച് പ്രീ-പ്രൈമറി, പ്രൈമറി പ്രായത്തിലുള്ള കുട്ടികളുടെ സിദ്ധികളെ പരിഗണിച്ചാണ് ഇസ്ലാമിക് സ്റ്റഡീസിന്റെ പാഠഭാഗം തയ്യാറാക്കിയിരിക്കുന്നത്. നബി(സ)യുടെ അധ്യാപനങ്ങൾക്കനുസരിച്ച് നിശ്ചിത പ്രായത്തിൽ അതിനനുസൃതമായാണ് സിലബസ് ക്രമീകരിച്ചത്. ഇസ്ലാമിക വിശ്വാസകാര്യങ്ങളിലുള്ള സമഗ്രത, കർമാനുഷ്ഠാനങ്ങളിലെ പൂർണതയും കൃത്യതയും, ഇസ് ലാമിക ചരിത്രത്തിലുള്ള വ്യക്തമായ ഗ്രാഹ്യത, സ്വഭാവ സംസ്കരണം, ദിക്റുകളും ദുആകളും മനപാഠമാക്കലും അതിന്റെ സാരാംശം ഗ്രഹിക്കലുമെല്ലാമാണ് ഈ വിഷയത്തിലൂടെ സ്കൂൾ ഓഫ് ഖുർആൻ ലക്ഷ്യമിടുന്നത്.
- ഖുർആൻ, ഹദീഥ്, അറബി ഭാഷ, വിശ്വാസം, കർമ്മം, സ്വഭാവം, ചരിത്രം തുടങ്ങിയവയിൽ പഠനം
- നിലവിലുള്ള ഖുർആൻ പഠന സംവിധാനങ്ങളുടെ പോരായ്മകൾ പരിഹരിച്ച കുറ്റമറ്റ സംവിധാനം
- തജ്വീദിന് പരിശീലനം സിദ്ധിച്ച അധ്യാപകർ
- ആധുനിക സാങ്കേതിക സംവിധാനങ്ങൾ ഉൾപ്പെടുത്തി നവീന രീതിയിൽ തയ്യാറാക്കിയ പഠനരീതികൾ, പഠനസാമഗ്രികൾം
- വിദഗ്ധ പാനൽ നിർമ്മിച്ച ടെക്സ്റ്റ് ബുക്കുകൾ, വർക്ക് ബുക്കുകൾ, ടീച്ചേഴ്സ് ഹാൻഡ് ബുക്ക്, പാരന്റ്സ് ഗൈഡ്...
- കേരളത്തിൽ ആദ്യമായി രക്ഷിതാക്കളുടെ പങ്കാളിത്തത്തോടെ നടത്തപ്പെടുന്ന ഹോം സ്കൂളിംഗ്
- ഫോളോ അപ്പിനായി വാർഷിക സ്റ്റഡി ട്രാക്കറുകൾ
- കരിക്കുലമനുസരിച്ച് തയ്യാറാക്കിയ ഡി.വി.ഡികൾ, സോഫ്റ്റ്വെയറുകൾ
- രക്ഷിതാക്കൾക്ക് പഠനപുരോഗതി വിലയിരുത്താൻ ഓൺലൈൻ സൗകര്യം
- ഓഡിയോ-വിഷ്വൽ ക്ളാസ് റൂമുകൾ
- നിരന്തര-കേന്ദ്രീകൃത മൂല്യനിർണയം
- രക്ഷിതാക്കളുടെ മേൽനോട്ടത്തിലുള്ള ട്രാൻസ്പോർട്ടേഷൻ സൗകര്യം
- ക്ളാസ്സുകൾ, ഞായർ ഉൾപ്പെടെയുള്ള അവധി ദിവസങ്ങളിൽ മാത്രം
- പഠന-മാനസിക വൈകല്യങ്ങൾ പരിഹരിക്കുന്നതിനുള്ള പ്രത്യേക പദ്ധതികൾ
ശൈശവത്തിലും ബാല്യത്തിലും കുട്ടികളെ ഏറ്റവും സ്വാധീനിക്കുന്നത് മാതാപിതാക്കളാണ്. മാതാപിതാക്കളുടെ ഏതൊരു പ്രകടനവും ഈ സമയത്ത് കുട്ടികളുടെ സ്വഭാവ രൂപീകരണത്തെയും ചിന്താശേഷിയേയും സാരമായി സ്വാധീനിക്കുമെന്ന് പഠനങ്ങൾ വെളിപ്പെടുത്തുന്നു. പ്രവാചകവചനങ്ങളിൽ കൃത്യമായി രേഖപ്പെട്ട ഈ വസ്തുത ആധുനികശാസ്ത്രവും അംഗീകരിക്കുന്നു. ഇക്കാര്യത്തെ മുഖവിലക്കെടുത്തു കൊണ്ടാണ് സ്കൂൾ ഓഫ് ഖുർആനിന്റെ സിലബസ്സിൽ ഹോം സ്കൂളിംഗ് എന്ന ആശയം ഉൾപ്പെടുത്തിയിരിക്കുന്നത്. അക്കാദമികയോഗ്യതകൾ പരിഗണിക്കാതെ, കൃത്യമായ പരിശീലനത്തിലൂടെ മാതാപിതാക്കളെ കൂടി ഈ പഠന സംരംഭത്തിൽ പങ്കാളികളാക്കുകയാണ് ഹോം സ്കൂളിംഗിന്റെ ലക്ഷ്യം. സ്കൂൾ ഓഫ് ഖുർആനിന്റെ കീഴിൽ പരിശീലനം സിദ്ധിച്ച വിദഗ്ധരാണ് ഇതിന് നേതൃത്വം നൽകുന്നത്.
Method
ഓരോ പഠിതാവിന്റെയും മാതാവോ പിതാവോ, ഇവരുടെ അസാന്നിധ്യത്തിൽ അവർ നിയോഗിക്കുന്ന മറ്റു രക്ഷിതാക്കളോ പങ്കെടുക്കുന്ന കോഴ്സാണിത്. സ്കൂൾ ഓഫ് ഖുർആനിലെ ഓരോ പഠിതാവിന്റെയും ഒരു രക്ഷിതാവെങ്കിലും നിർബന്ധമായും ഇതിൽ രജിസ്റ്റർ ചെയ്തിരിക്കണം.
Syllabus
ഹോം സ്കൂളിംഗിനായി തയ്യാറാക്കിയ പാരന്റ്സ് ഗൈഡ്, തന്റെ കീഴിലുള്ള വിദ്യാർഥിയുടെ കരിക്കുലം, അതിന് അനുബന്ധമായി തയ്യാറാക്കിയ റഫറൻസ് ഗൈഡ് എന്നിവയായിരിക്കും പഠനസാമഗ്രികൾ.
Duration
അഡ്മിഷൻ സമയത്തെ ട്രെയിനിംഗും അതിനെ തുടർന്നുള്ള മൂന്ന് ടേമിലേക്ക് തയ്യാറാക്കിയ ത്രൈമാസ ക്ളാസുകളും കേന്ദ്രീകരിച്ചാണ് ഇതിന്റെ പഠനം പുരോഗമിക്കുന്നത്. ഒരു വർഷമാണ് പഠിതാവിന്റെ പഠനകാലം തന്നെയാണ് രക്ഷിതാവിനുമുള്ള കാലയളവ്.
Fee
ഹോം സ്കൂളിംഗിനായി പ്രത്യേക ഫീസൊന്നും ഈടാക്കുന്നില്ല. പഠനവും പരീക്ഷയും അതോടനുബന്ധിച്ചുള്ള മെറ്റീരിയൽസുമെല്ലാം തികച്ചും സൗജന്യമായാണ് സംവിധാനിച്ചിരിക്കുന്നത്.
Evaluation
വർഷത്തിൽ മൂന്ന് പരീക്ഷകളാണ് ഹോം സ്കൂളിംഗിലുള്ളത്. മൂന്ന് പരീക്ഷകളും ഒബ്ജക്ടീവ് ടൈപ്പ് രീതിയിലായിരിക്കും. പരീക്ഷയുടെ റിസൽട്ട് തങ്ങളുടെ കീഴിലുള്ള പഠിതാവിന്റെ വാർഷിക മൂല്യനിർണയത്തിനായി ഉപയോഗപ്പെടുത്തും.
Admission
ജൂൺ ഒന്നിന് നാലു വയസ്സു മുതൽ അഞ്ചര വയസ്സ് വരെയുള്ള കുട്ടികൾക്കാണ് പ്രീ സ്കൂളിലേക്ക് പ്രവേശനം ലഭിക്കുക.
ഗ്രേഡ് ഒന്നിലേക്ക് പ്രവേശനം ലഭിക്കാൻ ജൂൺ ഒന്നിന് ആറര വയസ്സ് കവിയാത്ത സ്കൂളിൽ ഒന്നാം ക്ലാസിൽ ചേർന്നവർക്കാണ് സാധിക്കുക.
ചേരാൻ ആഗ്രഹിക്കുന്ന വിദ്യാർഥികളുടെ രക്ഷിതാക്കൾ കുട്ടിയുടെ ജനനത്തിയതി തെളിയിക്കുന്ന സർട്ടിഫിക്കറ്റുകളുടെ കോപ്പികൾ സഹിതം അപേക്ഷിക്കുക. ഒറിജിനൽ രേഖകൾ അഡ്മിഷൻ സമയത്ത് ഹാജരാക്കിയാൽ മതിയാവും.
അപേക്ഷിക്കാൻ താഴെ കാണുന്ന ലിങ്കിൽ ക്ലിക്ക് ചെയ്യുക
Home Schooling
ശൈശവത്തിലും ബാല്യത്തിലും കുട്ടികളെ ഏറ്റവും സ്വാധീനിക്കുന്നത് മാതാപിതാക്കളാണ്. മാതാപിതാക്കളുടെ ഏതൊരു പ്രകടനവും ഈ സമയത്ത് കുട്ടികളുടെ സ്വഭാവ രൂപീകരണത്തെയും ചിന്താശേഷിയേയും സാരമായി സ്വാധീനിക്കുമെന്ന് പഠനങ്ങൾ വെളിപ്പെടുത്തുന്നു. പ്രവാചകവചനങ്ങളിൽ കൃത്യമായി രേഖപ്പെട്ട ഈ വസ്തുത ആധുനികശാസ്ത്രവും അംഗീകരിക്കുന്നു. ഇക്കാര്യത്തെ മുഖവിലക്കെടുത്തു കൊണ്ടാണ് സ്കൂൾ ഓഫ് ഖുർആനിന്റെ സിലബസ്സിൽ ഹോം സ്കൂളിംഗ് എന്ന ആശയം ഉൾപ്പെടുത്തിയിരിക്കുന്നത്. അക്കാദമികയോഗ്യതകൾ പരിഗണിക്കാതെ, കൃത്യമായ പരിശീലനത്തിലൂടെ മാതാപിതാക്കളെ കൂടി ഈ പഠന സംരംഭത്തിൽ പങ്കാളികളാക്കുകയാണ് ഹോം സ്കൂളിംഗിന്റെ ലക്ഷ്യം. സ്കൂൾ ഓഫ് ഖുർആനിന്റെ കീഴിൽ പരിശീലനം സിദ്ധിച്ച വിദഗ്ധരാണ് ഇതിന് നേതൃത്വം നൽകുന്നത്.
Features
- - ഖുര്ആന് പഠനത്തിന് പ്രത്യേക ഫോര്മുല
- - തജ്വീദിന് പരിശീലനം സിദ്ധിച്ച അധ്യാപകര്
- - ഹദീഥ്, അറബി, വിശ്വാസം, കര്മ്മം, സ്വഭാവം, ചരിത്രം എന്നിവയില് പഠനം
- - ഗ്രേഡ് ഒന്നില് 172 സ്ലോട്ടുകളിലായി അല് ക്വാഇദത്തുന്നൂറാനിയ്യയുടെ സമ്പൂര്ണ കോഴ്സ്
- - നവീന രീതിയില് തയ്യാറാക്കിയ പഠനരീതികള്, പഠനസാമഗ്രികള്
- - ഖുര്ആന് പഠനത്തിന് മൊബൈല് ആപ്ലിക്കേഷന്, കമ്പ്യൂട്ടര് സോഫ്റ്റ്വെയര്
- - വിദഗ്ധ പാനല് നിര്മ്മിച്ച ടെക്സ്റ്റ് ബുക്കുകള്, വര്ക്ക്ബുക്കുകള്, ടീച്ചേഴ്സ് ഹാന്ഡ് ബുക്ക്, പാരന്റ്സ് ഗൈഡ്...
- - രക്ഷിതാക്കള്ക്കായി വ്യവസ്ഥാപിത രൂപത്തിലുള്ള ഹോം സ്കൂളിംഗ്
- - എല്ലാ മാസവും പാരന്റ്സ് ക്ലാസുകള്, വീഡിയോ ലക്ചറിംഗ്, ഇവാലുവേഷന്
- - ഫോളോഅപ്പിനായി സ്റ്റഡി ട്രാക്കറുകൾ
- - കേന്ദ്രീകൃത ഖുര്ആന് മൂല്യനിര്ണയം
- - 18 വര്ഷം നീണ്ടുനില്ക്കുന്ന തുടര്പഠന സൗകര്യം
- - രക്ഷിതാക്കള്ക്ക് പഠനപുരോഗതി വിലയിരുത്താന് ഓണ്ലൈന് സൗകര്യം
- - ഓഡിയോ വിഷ്വല് ക്ലാസ് റൂമുകള്
- - നിരന്തര, കേന്ദ്രീകൃത മൂല്യനിര്ണയം
- - രക്ഷിതാക്കളുടെ മേല്നോട്ടത്തിലുള്ള ട്രാന്സ്പോര്ട്ടേഷന്
- - സാധാരണക്കാരെ പരിഗണിക്കുന്ന കുറഞ്ഞ ഫീസ് നിരക്കുകള്